![](https://blogger.googleusercontent.com/img/b/R29vZ2xl/AVvXsEg8gnov-Ef_N3kSiyP1JxVvyeIBJ8w-8ziNXvHPXVTgK2eeEySh6z6WqTXzbM6R4ahxy8OaGF66FU5_vLepyHiaaO-5KuAKnF4xf5dBDXSmuuFpUSZ4V7EXpdfF-3q-LjS9A9uQ7O96c7TA1kh4LdkYY5529bnZpHTeguRuJoqZCu_60_Zppo_Osi5I/s1600/Giant%20Hogweed.webp)
യൂകെയിലെ ഈ വെള്ള പൂക്കൾ ആരെയും ആകർഷിക്കുന്നതാണ്. നദികളുടെയും കനാലുകളുടെയും തീരങ്ങളിലും പച്ചപ്പ് ധാരാളമുള്ള മേഖലകളിലുമൊക്കെ ഇത് കാണാനാകും. പക്ഷെ എന്താണിതിന്റെ പ്രത്യേകത എന്നല്ലേ? ഈ ചെടിയെ അങ്ങേയറ്റം സൂക്ഷിക്കണം എന്ന് മുന്നറിയിപ്പ് നൽകിയിരിക്കുകയാണ് സസ്യശാസ്ത്ര വിദഗ്ധർ.
ഇതിന്റെ ഭംഗി കണ്ട് അരികിൽ എത്തുന്നവരെ പൊള്ളലേൽപ്പിക്കാൻ തക്കവണ്ണം അപകടകാരിയാണ് ഈ ചെടി. ജയന്റ് ഹോഗ്വീഡ് എന്നാണ് ഈ ചെടിയുടെ പേര്. യുകെയിലെ ഏറ്റവും അപകടകാരിയായ ചെടി എന്നാണ് ഈ ചെടി അറിയപ്പെടുന്നത്. ജൂൺ, ജൂലൈ മാസങ്ങളിലാണ് ഈ ചെടി വളരുന്നത്. ഇക്കാലയളവിൽ പല മേഖലകളിലും ഇവയെ കാണാനാകും.
പക്ഷെ എത്ര ഭംഗിയുണ്ടെങ്കിലും അബദ്ധത്തിൽ എങ്ങാനും ഇവയുടെ നീര് ശരീരത്തിൽ പറ്റിയാൽ മാരകമായി പൊള്ളലേൽക്കും. ഇത് ജീവിതകാലം മുഴുവൻ നിലനിൽക്കുന്ന തരത്തിലുള്ള പാടുകളായി മാറും. ഏതാനും ദിവസങ്ങൾക്കു മുൻപ് ഈ ചെടി ജനവാസ മേഖലകളിൽ നിന്നും നീക്കം ചെയ്യാനെത്തിയ ഗാർഡനിങ് വിദഗ്ധനായ മാർട്ടിൻ ഫെർഗുസൺ എന്ന വ്യക്തിക്ക് സാരമായി പൊള്ളലേറ്റിരുന്നു.
ചികിത്സയിൽ തുടരുന്ന അദ്ദേഹം ബ്രിട്ടനിലെ ജനങ്ങളോട് അങ്ങേയറ്റം കരുതലോടെയിരിക്കാൻ ആവശ്യപ്പെടുകയും ചെയ്തിട്ടുണ്ട്.
Giant Hogweed
Tags:
Plant